26 апр 11:01
Янгиликлар

Теннис

Barcelona Open. Жоковичнинг кутилмаган мағлубияти

Бироз аввал хабар берганимиздек, Испаниянинг Барселона шаҳрида теннис бўйича ушбу ҳафтага белгиланган энг нуфузли турнир давом этмоқда.

Barcelona Open Banc Sabadell ёки Trofeo Conde de Godó номи билан аталувчи ушбу мусобақанинг соврин жамғармаси 2 510 900 еврони ташкил қилади. Дунёнинг 12-ракеткаси ҳисобланган Новак Жокович учун мавсум омадсиз ўтмоқда.

Сербиялик теннис юлдузи иккинчи давра учрашувида словакиялик Мартин Клижанга имкониятни бой бериб қўйди. Бир соату 38 дақиқа давом этган баҳсда дунё рейтингида 140-ўринни эгаллаб турган Клижан 6:2, 1:6, 6:3 ҳисобида зафар қучди. Клижан учинчи босқичда испаниялик Фелисиано Лопесга қарши кортга чиқади.