29 апр 07:46
Янгиликлар

Теннис

Barcelona Open. Медведев финалда Тимга имкониятни бой берди

Испаниянинг Барселона шаҳри мезбонлик қилган теннис турнири дунёнинг бешинчи ракеткаси Доминик Тимнинг ғалабаси билан якунланди.

Австриялик теннисчи ҳал қилувчи финал учрашувида сайёрамизнинг 14-ракеткаси россиялик Даниил Медведевни 6/4, 6/0 ҳисобида мағлуб этиб, бош мукофотни боши узра баланд кўтарди. Финал баҳси 1 соату 13 дақиқа давом этди.

Barcelona Open Banc Sabade турниридаги муваффақиятли иштирок Тимга 500 рейтинг очкоси ҳамда 503 015 евро миқдоридаги мукофот пулини тақдим этди.