14 май 07:20
Янгиликлар

Футбол

"Барселона" Дембелени 60 млн еврога сотиб юборади

Каталониянинг "Барселона" клуби тез орада ҳужумчи Усмон Дембеле билан хайрлашади, деб хабар қилмоқда испан нашрлари.

Marca хабарига кўра, "кўк-анорранглилар" 22 ёшли французни 60 млн евро эвазига ҳам сотиб юборишга тайёр экан. Дембеле 3 йил муқаддам Дортмунднинг "Боруссия"сидан 125 млн еврога харид қилинганди.

Футболчи 2017 йилнинг ёзидан бери "Барселона" сафида 74та ўйин ўтказди (19 гол, 17та голли узатма). Клуб раҳбарияти муттасил равишда жароҳатга йўлиқадиган ва интизомида муаммолар бўлган футболчига ортиқ ишонмайди.

Маълумот учун, Дембеленинг "Барселона" билан амалдаги шартномаси 2022 йилнинг июнига қадар белгиланган.