"Барселона" футболчиси карантин қоидаларини бузди

26 ёшли португалиялик футболчи душанба куни 20 нафардан ортиқ одамлар бўлган туғилган кун тадбирида иштирок этган, дея хабар бермоқда Diario Sport. Барселона провинциясининг Кастельдефельс шаҳарчасида ташкил этилган тадбирда футболчива тадбирнинг барча иштирокчиларда  ниқоб бўлмаган ва ижтимоий масофа сақланмаган.

Шу тариқа Семеду Испания ҳукумати ва Ла Лига раҳбарияти тавсиясига амал қилмаган. Мамлакат ҳукумати 15 кишидан ортиқ одамлар қатнашадиган тадбирларни бекор қилишга чақирган бўлса, Ла Лига раҳбарияти футболчилардан ўзи билан бирга яшайдиган яқинлари билан ҳам камроқ мулоқотда бўлиш лозимлигини таъкидлаган.

Каталония клуби вакилининг Испания футбол федерациясига маълум қилишича, клуб футболчининг ушбу тадбирга боришидан бехабар бўлган. “Барселона” вакиллари ушбу масалани клуб ичида ҳал қилиш ниятида.