09 фев 15:28
Янгиликлар

Футбол

"Барселона" футболчиси Роналду билан бир жамоада ўйнаши мумкин

Ярим ҳимоячи Филиппе Коутиньо "Барселона"га керак эмас.

Айни дамда 27 ёшли футболчи ижара асосида "Бавария"да ўйнамоқда. Катта эҳтимол билан у ёзда "Барселона"га қайтади. Аммо каталонияликлар футболчини сотиб юборишни исташмоқда.

"Mundo Deportivo" хабарига кўра, футболчининг агенти "Ювентус" вакиллари билан учрашган ва Коутиньони туринликларга таклиф қилган. Ушбу жамоа таркибида Криштиану Роналду фаолият олиб бормоқда. Шунингдек, Коутиньонинг хизматларига ПСЖ томонидан ҳам қизиқишлар бўлмоқда.

Ушбу мавсумда Коутиньо Бундеслиганинг 18 ўйинида 6 гол ва 6 ассистентлик қайд этди.