27 окт 18:13
Янгиликлар
Футбол
"Барселона" — Мбаппенинг "севимли" жамоаси
"Реал" ҳужумчиси Килиан Мбаппе Испания чемпионатининг 10-турида "Барселона"га қарши ўйинда гол урди.
Ўйин "қаймоқранглилар"нинг 2:1 ҳисобидаги ғалабаси билан якунланди.
Бу гол 26 ёшли ҳужумчининг "Барселона"га қарши фаолиятидаги 12-гол бўлди. "Opta Sports" маълумотларига кўра, у фақат иккита клубга бундан кўпроқ гол урган.
Мбаппе фаолиятидаги энг кўп голини "Монпелье"га урган — 15 та. Иккинчиси "Лион" бўлиб, Килиан бу жамоа дарвозасини 13 марта ишғол қилган.
"Барселона" — франциялик форвард энг кўп гол урган учинчи жамоа (12). Шунингдек, у "Мец", "Марсель" ва "Дижон"га қарши ўйинларда ҳам шунча тўп киритган.
Ҳавола :
Фикрлар