"Барселона" уч футболчисини сотиб юборишга тайёр

"Diario Sport" хабарига кўра, клуб раҳбарияти ёзда жамоани кучайтириш учун бир қанча йирик трансферлар амалга ошириш кераклигини тушунмоқда. Клубда лойиҳасига зарар етказмаслик учун кам ўйин амалиётига эга бўлаётган бир неча футболчиларни сотиб юбориш ишлари бошланган. Шу сабабли клуб Ансу Фати, Рафинья ва Ферран Торрес борасидаги таклифларни ўйлаб кўришга тайёр турибди.

Кўплаб клублар, шу жумладан, "Манчестер Юнайтед" томонидан бўлаётган қизиқишлар сабабли "Барса" Фати ва унинг атрофидагилар билан маслаҳатлашган. Аммо футболчининг ўзи жамоада қолиш ниятида. Ферран Торресга эса "Интер" ва "Атлетико" томонидан қизиқишлар бор. Икки клуб ҳам футболчи алмашиш таклифини ўйлаб кўрмоқда.

Эркин агент сифатида келган Рафинья эса ўзидан яхши таассурот қолдираётган бўлса-да, унга АПЛ клубларидан чўнтакбоп таклифлар бўлмоқда. Ушбу клуб "Челси" бўлиши мумкин. Чунки ўтган ёзда Рафиньянинг Лондон клубига ўтишига бир қадам қолганди.