"Барселона" янги мураббий қўл остида ғалаба билан бошлади

Сетьен бошқарувидаги илк баҳсда ўз уйида "Гранада"ни меҳмон қилган каталонияликлар Ла Лига турнир жадвалида 10-ўриндаги рақиб дарвозасини меҳмонлар бир киши кам бўлиб қолгандан кейин ишғол қилишди ва якунда қийин ғалабага эришишди.

Қайд этиш керакки, "Гранада" учрашувнинг 69-дақиқасидан кейин Санчеснинг четлатилиши натижасида учрашувни камчиликда тугатди. Лионель Месси ўйиннинг 76-дақиқасида Видалнинг узатмасини голга айлантириб, янги мураббий Сетьеннинг дебюти муваффақиятли ўтишини таъминлади.

Мазкур ғалабадан сўнг "Барселона"нинг очколари сони 43тага етди ва бу борада кеча "Севилья"ни доғда қолдирган "Реал"ни қувиб етди. Айни пайтда турнир жадвалида бир хил очко тўплаган икки азалий рақиблар орасида тўплар нисбатига кўра "Барселона"етакчиликни қўлга олган.

Ла Лига, 20-тур. Турнир жадвали

Барселона – Гранада 1:0

«Камп Ноу»

Гол: 1:0 – 76 Месси.

Барселона – тер Стеген, Серджи Роберто, Пике, Умтити, Альба, Бускетс, Видаль (Артур, 83), Ракитич (Пуч, 71), Фати (Карлес Перес, 79), Месси, Гризманн.

Гранада – Руй Силва, Фулькье, Херман Санчес, Дуарте, Диас, Вадильо (Пуэртас, 65), Гоналон, Этеки (Мартинес, 72), Азиз (Эррера, 56), Мачис, Фернандес.

Огоҳлантиришлар: Мачис (12), Херман Санчес (59), Фернандес (72).

Четлатиш: Херман Санчес (69).