09 июн 14:59
Янгиликлар

Теннис

Барти эртага эълон қилинадиган WTA рейтингида 2-ўринда бўлади

Австралиялик 23 ёшли теннисчи Эшли Барти ўз фаолиятида илк бор “Катта Дубулға” туркумига кирувчи “Ролан Гаррос” турнири ғолибасига айланганди.

Яшил қитъаси вакиласи бу тарихий натижаси эвазига эртага эълон қилинадиган WTA рейтингида иккинчи ўринга кўтарилиб олади. Бу билан Эшли Австралия теннисида 1976 йилдан бери сақланиб турган рекордга яқинлашади.

1976 йилда австралиялик Ивонн Гулагонг-Коули аёл теннисчилар рейтинги карвонбошиси бўлган. Шунингдек, Барти саккизинчи рақам остида таснифланиб, “Катта Дубулға” чемпиони бўлиш бўйича 2011 йилги натижани такрорлади. Бундан 8 йил аввал чехиялик Петра Квитова чемпион бўлганди.