22 июн 08:58
Янгиликлар

Теннис

Барти ўзидан 16 ёшга катта Уильямсга “чиқиш” эшикларини кўрсатиб қўйди

Дунёнинг иккинчи рақамли теннис маликаси Эшли Барти Бирмингем турнирдаги ғолибона юришини давом эттирмоқда.

Австралиялик теннисчи мусобақанинг чорак финалида америкалик 39 ёшли Винус Уильямсга қарши баҳс олиб борди ва 1 соату 25 дақиқа давом этган учрашувда рақибасини 6/4, 6/3 ҳисобида таслим этди.

Винус WTA рейтингида 55-поғонадан жой олган. Энди 23 ёшли Барти Nature Valley Classic турнирининг ярим финалида чехиялик Барбора Стриковага қарши кортга чиқади.