04 ноя 11:41
Янгиликлар

Теннис

Барти теннис тарихидаги рекорд миқдордаги мукофот пулига эга бўлди

Австралиялик Эшли Барти Якуний WTA турниридаги ғалабаси учун теннис тарихидаги рекорд миқдордаги мукофот пулини қўлга киритди.

Дунёнинг биринчи рақамли теннис маликаси кеча Хитойнинг Шэньчжэнь шаҳрида якунига етган Якуний WTA турнирида бош соврин соҳибасига айланган эди. Барти финал учрашувида ўтган йилги чемпион, украиналик Элина Свитолинани мағлуб этганди.

Эшли турнирда жами 5 та учрашув ўтказди ва ушбу мусобақадаги иштирокидан умумий 4 миллион 420 минг доллар мукофот пули ишлаб олди. Бу теннис тарихидаги рекорд мукофот пули ҳисобланади. Элина Свитолина эса 2,4 миллион долларга эга бўлди. Якуний WTA турнирининг умумий мукофот жамғармаси 14 миллион долларни ташкил этганди.