Баутиста Пётр Яннинг ғалабаси ҳақида: "Дивизионни яхшигина силкитди"

"Менда ҳам ҳаммада бўлгани каби фикрлар бор эди: Мераб октагонга чиқиб, беш раунд давомида шунчаки ўзининг одатдаги ишини қилади, деб ўйлагандим. Аммо Пётр Ян идеал жанг режаси билан чиқди. У рақиб курашини бўғиб қўйди, партерларга тушиб қолишдан ажойиб тарзда ҳимояланди. Мерабни қийнаб қўйди, корпусда аъло даражада ишлади.

Кўп интервьюларда айтганман: Мерабни тана қисмига уриш керак. Ян айнан шундай қилди ва кўриниб турибдики, бундай зарбалар Мерабга ҳақиқатан ҳам оғриқ келтиради. Шундай экан, фикримча, бу дивизионни яхшигина ларзага солган ажойиб жанг бўлди. Кўрамиз, уларнинг реванш жанги бўлар эканми? Агар амалга ошса, бу жуда томошабоп жанг бўларди", - деди америкалик жангчи Жеймс Линчга берган интервьюсида.

Маълумот учун, Марио Баутиста 7 февраль куни бўлиб ўтадиган UFC Fight Night 266 турнирида октагонга қайтади. Унга бразилиялик Винишиус Оливейра рақиблик қилади.