Бахтда Баҳодирлар ўйини ва тош кўтариш усталари беллашди

4-7 март кунлари ўтказилган мамлакат чемпионатида ўсмирлар, ёшлар, катталар, фахрийлар ҳамда имконияти чекланган спортчилар медаллар учун беллашишди. Мусобақада Қорақалпоғистон Республикаси, мамлакатимизнинг деярли барча вилоятлари ҳамда Тошкент шаҳрида 400 нафардан зиёд спортчи иштирок этди. 

Беллашувлар даст кўтариш ва узун цикл йўналишарида ўтказилиб, унда иштирокчилар жами 32 та (ўғил болалар 20, қизлар 12) вазн тоифасида баҳсларга киришдилар. Якунда сирдарёлик полвонлардан Сарвар Арслонбоев, Гулинур Қодирқулова, Андижон вилояти вакилларидан Жасур Исоқов, Хомиджон Хомиджонов, Шоҳруҳ Баҳодиржонов, Рухшона Толибжонова, Ёдгорой Нажимова сингари спортчилар ғолиблар қаторидан жой олишди. 

Ўзбекистон Баҳодирлар ўйинлари ва тош кўтариш федерацияси раиси Воҳиддин Нажмиддиновнинг айтишича, ушбу мусобақа 27-30 апрель кунлари пойтахтимиз мезбонлик қиладиган Осиё чемпионатига саралаш вазифасини ҳам ўтаб берди.