18 дек 12:01
Янгиликлар

Бокс/ММА

Бектемир Мелиқўзиев Ўзбекистонда тантанали кутиб олинди + ФОТОГАЛЕРЕЯ

Хабарингиз бор, профессионал боксчимиз Бектемир Мелиқўзиев 14 декабрь куни АҚШда мезбон спортчи Ваугин Александерга қарши жанг қилди.

10 раундлик жангда ҳамюртимиз ҳакамларнинг қарори билан 100:90, 100:90, 100:90 ҳисобларида ғалаба қозониб, "WBA Continental Americas" камари соҳибига айланганди.

Бугун Бектемир юртимизга қайтиб келди. У Ислом Каримов номидаги Тошкент халқаро аэропортида тантанали кутиб олинди. Кутиб олиш маросимида Ўзбекистон бокс федерацияси мутасаддилари, Ўзбекистон Республикаси Мудофаа вазирлиги мутасаддилари, спортчининг яқинлари, мухлислар ва ОАВ ходимлари иштирок этишди.