Бектемир Мелиқўзиев профессионал боксда дебют қилди

Мазкур жангда боксчимизга аргентиналик Мартин Фидел Риос рақиблик қилди. Боксчимиз жангни фаол бошлади ва зарбалар сериясини уюштирди. Бектемир биринчи раунднинг ўзидаёқ кучли зарбаси эвазига рақибини чуқур нокаут ҳолатига туширди ва профессионал боксдаги фаолиятини чиройли ғалаба билан бошлади. 

Ушбу жанг Бектемир учун дебют бўлган бўлса, Риос учун проф рингдаги 47-баҳс эди. Унинг проф рингдаги кўрсаткичи бугунги натижа билан қўшиб ҳисоблаганда 23 та ғалаба (13 та нокаут), 20 та мағлубият (5 та нокаут) ва 4 та дурангни ташкил қилади.