14 авг 09:30
Янгиликлар

Бокс/ММА

Bellator 264. Магомедовнинг кутилмаган мағлубияти

Хабар берганимиздек, бироз аввал АҚШнинг Коннектикут штати Анкасвилль шаҳридаги "Mohegan Sun Arena"да навбатдаги ММА турнири якунланди.

Оқшомнинг асосий кардидан ўрин олган қизиқарли жангларнинг бирида россиялик Магомед Магомедов америкалик Рауфон Стотсга имкониятни бой бериб қўйди. Уч раунд тўлиқ давом этган жангда Стотс ҳакамлар қарорига кўра очколар ҳисобида ғалаба қозонди.

Ушбу жангдан аввал асли келиб чиқиши россиялик, 19 ёшида АҚШга кўчиб кетган ва ҳозирда ушбу мамлакат шарафини ҳимоя қилаётган 33 яшар Хаджимурат Бестаев яна бир америкалик Тай Гвердерни 29-28, 29-28, 29-28 ҳисобларида таслим этди. Бу Гвердернинг охирги 5 та жангидан тўртинчи мағлубияти бўлди. Бестаев учун эса бу Bellator промоушенидаги дебют жанг эди. Унинг ММАдаги натижаси - 11 ғалаба, 5 мағлубият.