14 авг 08:48
Янгиликлар

Бокс/ММА

Bellator 264. ММА афсонаси марказий жангда камарини ҳимоя қилди

Бироз аввал АҚШнинг Коннектикут штати Анкасвилль шаҳридаги "Mohegan Sun Arena"да навбатдаги ММА турнири якунланди.

Bellator 264 оқшомининг марказий жангида ММА афсонаси, промоушеннинг ўрта вазн тоифасида амалдаги чемпиони Гегард Мусаси (48-7-2) америкалик даъвогар Жон Солтер (18-5) билан тўқнаш келди.

Беш раундга мўлжалланган чемпионлик жанги муддатидан аввал якунланди. Асли келиб чиқиши арманистонлик, ҳозирда Нидерландия шарафини ҳимоя қилаётган Мусаси рақибини партерга туширди ва кетма-кет кучли зарбалар йўллади. Солтернинг жавоб қайтармаётганини кўрган рефери жангни тўхтатди.