Bellator бекор қилинган жанг иштирокчиларига гонорарларни тўлаб беради

Бу ҳақида Bellator президенти Скотт Кокер маълумот берди. Кокер ҳамкор компаниялар билан келишган ҳолда жангчиларга гонорарларни тўлаб беришга қарор қилган. Ҳозирча гонорарнинг ҳаммаси ёки каттароқ қисми тўлаб берилиши ҳақида аниқ маълумот йўқ.

Шунингдек, ҳакамлар, катменлар ва бошқа расмийларга ҳам компенсация сифатида товон пуллар тўлаб берилади. Bellator 241 турнирининг марказий жанги ярим енгил вазнда Патрисио Фрейра ва Педро Карвальо ўртасида ўтказилиши керак эди. Режа бўйича навбатдаги Bellator турнири 9 май куни ўтказилади.