15 дек 16:33
Янгиликлар

Футбол

Бензема Франция ва Аргентина ўртасидаги ЖЧ финалига келиши мумкин. "Реал" рухсат берди

Мадриднинг "Реал" клуби ҳужумчиси Карим Бензема Франция иштирокидаги ЖЧ-2022 финалида иштирок этиш эҳтимоли бор.

AS нашри ёзишича, Мадрид клуби агар ўзи хоҳласа, ҳужумчига Қатарга боришга рухсат берган. Якуний қарорни қабул қилиш Бенземанинг ўзига боғлиқ, "Реал" унга қаршилик қилмайди. Агар Франция ғалаба қозонса, Карим ҳам жамоа билан бирга медаль олиш имкониятига эга бўлади.

Эслатиб ўтамиз, Бензема ЖЧ-2022 бошланишига бир неча кун қолганида жароҳат олгани боис турнирда иштирок эта олмаганди. Дидье Дешам унинг ўрнига ўйинчи чақирмади, шунинг учун ҳужумчи Франция терма жамоаси қайдномасида қолмоқда.