12 май 09:45
Янгиликлар

Теннис

Бертенс - Mutua Madrid Open ғолибаси ва 1,202,520 € соҳибаси!

Дунёнинг еттинчи ракеткаси Кики Бертенс Испания пойтахти Мадрид шаҳрида ўтказилган нуфузли WTA турнири ғолибасига айланди.

Голландиялик теннисчи ҳал қилувчи финал учрашувида рейтингнинг учинчи поғонасидан жой олган руминиялик Симона Халепга қарши кортга чиқди. Бир соату 27 дақиқа давом этган баҳсда Кики 6/4, 6/4 ҳисобида зафар қучди.

Кечаги баҳсдан сўнг икки теннисчининг ўзаро учрашувларидаги мувозанат ҳам тикланди - 3:3. Бертенс Mutua Madrid Open турниридаги муваффақиятли иштироки сабаб 1000 рейтинг очкоси ҳамда 1 миллион 202 минг 520 евро мукофот пулини қўлга киритди.