20 фев 15:24
Янгиликлар

Бокс/ММА

Бетербиев — Бивол 2 жанги ғолиби махсус камарни қўлга киритади + ФОТО

Бутунжаҳон бокс ташкилоти (WBC) яримоғир вазн тоифаси мутлақ жаҳон чемпионлиги учун ўтказиладиган реванш жангига махсус эсдалик камари ҳозирлади.

22 февраль куни Саудия Арабистони пойтахти Ар-Риёд шаҳрида ташкил этиладиган проф бокс оқшомининг асосий жанги яримоғир вазн тоифасида ўтказилади. Унда россиялик боксчилар - мағлубият нималигини билмай келаётган Артур Бетербиев ҳамда фаолиятидаги ягона мағлубиятини айнан Артурдан қабул қилиб олган Дмитрий Бивол ўзаро тўқнаш келади.

Реванш мақомидаги жанг ғолиби мутлақ жаҳон чемпиони бўлиши баробарида WBC тайёрлаб қўйган махсус камарга ҳам эга чиқади. Боксчилар ўртасидаги илк жанг ўтган йилнинг 12 октябрь куни Ар-Риёд шаҳрида ўтказилган ва унда Бетербиев ҳакамларнинг қарори билан очколар (114-114, 115-113, 116-112) ҳисоби бўйича ғалаба қозонган эди.