05 май 07:47
Янгиликлар
Бокс/ММА
Бетербиев - Смит жангини ташкил қилиш бўйича промоутерлик савдосида ғолиб аниқланди
Артур Бетербиев ва Каллум Смит ўртасидаги жанг қайси промоутерлик компанияси томонидан ўтказилиши маълум бўлди.
WBC, IBF ва WBО йўналишлари бўйича яримоғир вазн тоифаси чемпиони Артур Бетербиев манфаатларини ҳимоя қилувчи Американинг "Top Rank" компанияси WBC йўналиши бўйича мажбурий даъвогар Каллум Смит билан жангни ташкил қилиш ҳуқуқини қўлга киритди. Бу ҳақда WBC матбуот хизмати хабар берди.
"Top Rank" 2 115 000 доллар, уларнинг рақобатчиси "Matchroom" 2 100 000 доллар таклиф қилган.
WBC қоидаларига кўра, мукофот жамғармасининг 10 фоизи жанг ғолибига, қолган маблағ эса боксчилар ўртасида 70 дан 30 гача нисбатда чемпион фойдасига тақсимланади.
Маълумот учун, Бетербиев 19 та жангда 19 та ғалабага эришган. Смитда эса 29 ғалаба ва битта мағлубият бор.
Ҳавола :
Манба : championat.com
Фикрлар