22 авг 09:30
Янгиликлар

Бокс/ММА

Бейдерни нокаутга учратган Немков янги Bellator чемпиони бўлиш баробарида Емельяненко учун ҳам реванш олди

Ҳозиргина АҚШнинг Коннектикут штати Анкасвилл шаҳридаги "Мохеган Сан" стадионида Bellator 244 турнири ўз якунига етди.

Оқшомнинг марказий жанги бироз кутилмаган натижа билан тугади. Ярим оғир вазн тоифасида амалдаги чемпион, америкалик Райан Бейдер россиялик даъвогар Вадим Немковга қарги октагонга кўтарилди.

Беш раундга мўлжалланган 205 фунт (93 кг) тоифасидаги чемпионлик жанги муддатидан аввал якунланди. Немков иккинчи раундда номдор рақибини нокаутга учратди. Бошга берилган хайкик зарбасидан кейин Бейдер мувозанатдан чиқди. Немков ярим оғир вазнда биринчи россиялик Bellator чемпионига айланди.

Шу билан бир қаторда Немков бугунги ғалабаси билан афсонавий ватандоши Фёдор Емельяненко учун ҳам реванш олди. Ўтган йили Бейдер шов-шувли тарзда Емельяненкони мағлубиятга учратган эди. Бугун Фёдор Немковнинг бурчагида секундант вазифасини бажарди.