11 май 15:55
Янгиликлар

Теннис

Билли Жин Кинг-2023 Кубоги финали манзили ва санаси маълум

Теглар : Билли Жин Кинг-2023 Кубоги

Теннис бўйича аёллар терма жамоалари иштирокидаги норасмий жаҳон чемпионати ҳисобланган Билли Жин Кинг Кубогининг финал босқичига Испаниянинг Севилья шаҳри мезбонлик қилади.

Мусобақа ташкилотчилари плей-офф босқичда Қозоғистонга ютқазган Польша терма жамоасига wild card, яъни имтиёзли йўлланма тақдим этишди. Финал босқич учрашувлари 7-12 ноябрь кунларига белгиланди.

Бош соврин учун Польшадан ташқари Австралия, Германия, Канада, Қозоғистон, Чехия, Италия, Испания, Словения, Франция, Швейцария ва АҚШ терма жамоалари баҳс олиб боради.

Жамоалар 3 тадан 4 та гуруҳга бўлинади. Гуруҳ ғолиблари 1/2 финалга йўл олади. Қуръа ташлаш маросими 24 май куни бўлиб ўтади.