16 апр 16:26
Янгиликлар

Теннис

Билли Жин Кинг Кубоги. Испания финал босқичига йўл олди

Теннис бўйича Испания аёллар терма жамоаси Билли Жин Кинг Кубогининг саралаш мусобақасини муваффақиятли ўтказди.

Мезбонлар Марбелье шаҳрида бўлиб ўтган учрашувда Мексика терма жамоасини мағлубиятга учратишди. Иккинчи кунги баҳсларнинг дастлабкисида Нурия Парризас-Диас рақибаси Марсела Закариасдан устун келди - 6/3, 6/0.

Кейин эса расмиятчилик учун ўтказилган жуфтлик баҳсида Алёна Большова ва Ребека Машарова ҳамкорлиги Гильяна Олмос ҳамда Рената Заразуа тандемини 6/4, 6/4 ҳисобларида мағлуб этди.

Шу тариқа, Испания терма жамоаси 4:0 ҳисобида ғалаба қозониб, аёллар ўртасидаги норасмий жаҳон чемпионатининг финал турнирига йўл олди.