13 апр 17:22
Янгиликлар

Теннис

Биринчи ракеткамиз Шарм Эл-Шейхда 1/4 финалга чиқди

Мисрнинг Шарм Эл-Шейх шаҳрида теннис бўйича М25 тоифасига кирувчи ITF турнири бўлиб ўтмоқда.

Ушбу мусобақада мамлакатимизнинг биринчи ракеткаси Сергей Фомин ҳам муваффақиятли тарзда иштирок этяпти. Ҳамюртимиз илк даврада даниялик Август Холмгренни 4/6, 6/0, 6/2 ҳисобида мағлуб этган эди. Бироз аввал эса у россиялик Евгений Тюрневдан устун келди. Биринчи сетни 3/6 ҳисобида бой берган Тюрнев иккинчи сетга чиқмади.

Таққослаш учун, Фомин ATP рейтингида 369, Холмгрен 472, Тюрнев эса 898-ўринни эгаллаб турибди. Турнирда бешинчи рақам остида ҳаракат қилаётган Сергейнинг 1/4 финалдаги рақиби бироздан сўнг аниқланади.