31 окт 14:08
Янгиликлар

Спорт курашлари

Бироздан сўнг Белградда UWW Конгресси бошланади, унда ҳамюртимиз номзоди вице-президентликка қўйилган

Бугун Сербия пойтахти Белград шаҳрида Бирлашган кураш дунёси (UWW)нинг Конгресси ўтказилади.

Хабарингиз бор, 1-7 ноябрь кунлари айнан Белград шаҳрида ёшлар (U 23) ўртасида жаҳон чемпионати бўлиб ўтади. Конгресс ушбу чемпионат олдидан ташкил этиляпти. Унда бир қатор масалалар муҳокама қилинади, ҳисоботлар тингланади, режалар тасдиқланади.

Конгресснинг биз учун аҳамиятли томони шундаки, унда Ўзбекистон спорт курашлари ассоциацияси раиси ўринбосари, профессор Аҳрол Рўзиев номзоди янги олти йиллик (2021-2026) муддатга UWW вице-президентлиги учун илгари сурилган.

Маълумот учун, Аҳрол Рўзиев 2014 йилдан то шу кунгача UWW вице-президенти лавозимида фаолият юритиб келмоқда. Айнан 2014 йил Тошкентда ўтган Конгрессда FILA номи UWWга ўзгартирилган эди. Шуниси билан ҳам Тошкент Конгресси тарихий ҳисобланади.