Бивол Бетербиев билан трилогия нега амалга ошмаслиги мумкинлигини айтди

"Аввало, бу жангни ташкил этишга тайёр бўлган ташкилотчи топилмаслиги мумкин. Ўз вақтида Турки Ал аш-Шайх пайдо бўлди, бу жангни хоҳлади ва жамоамизга ҳамда Артурнинг жамоасига шундай таклиф бердики, ундан ҳеч ким воз кеча олмади. Шу тариқа биринчи жанг ўтди. Реванш ҳам худди шундай бўлди — қисқа муддатларга қарамасдан, бу ҳам рад этиш маъносиз бўлган таклиф эди.

Иккинчи жангдан кейин эса Саудия Арабистони томонидан учинчи жангни ташкил этиш истаги бўлмади. Ғарб аудиториясида эса менинг Дэвид Бенавидес билан жангимни ўтказишга жуда катта қизиқиш бор. Бетербиев билан жанг бўйича эса… Туркида хоҳиш бор. Нью-Йоркда бўлганимизда шундай дейишди: “Ҳозир сенга Айферт билан ўтиш жангини ташкил қиламиз, кейин — Бенавидес билан”. Мен эса: “Ахир бизда Бетербиев ҳам бор-ку. Келинглар, шу жангни ҳам ўтказайлик”, дедим. Улар эса: “Ҳа-ҳа, у шу ерда, ҳозир у билан гаплашаман. Сизлар бир шоуда жанг қилиб, кейин реванш ҳам қиласизлар”, дейишди. Лекин… Дарҳол айтаман: Саудия Арабистонидагиларга жангларни “темирни қизиғида босиб” ўтказиш керак", — деди Бивол YouTubeдаги Григорий Дрозд каналига берган интервьюсида.