Бивол ва Смит чемпионлик жанги санаси ҳамда жойини келишиб олди

WBO президенти Густаво Оливьери ярим оғир вазн тоифасида (79,2 кг гача) WBA Super, IBF, WBO, The Ring ва IBO чемпионлик камарлари соҳиби россиялик Дмитрий Бивол ҳамда мажбурий даъвогар британиялик Каллум Смит чемпионлик жангини ўтказиш бўйича келишувга эришганини маълум қилди.

"WBO чемпионлик жангларини ташкил этиш қўмитаси RCC Boxing компаниясидан (WBO чемпиони Дмитрий Бивол номидан) ва Matchroom Boxing компаниясидан (мажбурий даъвогар Каллум Смит номидан) ёзма тасдиқ олди. Унда томонлар чемпионлик жанги шартлари, жумладан унинг санаси ва ўтказилиш жойи бўйича келишувга эришгани билдирилган.

WBO томонларга жанг санаси, манзили ва тадбирнинг барча тафсилотларини ўз вақтида расман эълон қилиш ҳуқуқини беради", — деб ёзди Оливьери ижтимоий тармоқда.