09 июл 14:02
Янгиликлар
Бокс/ММА
Биволнинг менежери: "Бетербиев билан трилогия 2026 йилга қолдирилиши мумкин"
Россиялик боксчи Дмитрий Биволнинг менежери Вадим Корнилов Артур Бетербиев билан трилогия ҳақидаги маълумотга изоҳ берди.
Аввалроқ, рус боксчилари ўртасидаги учинчи чемпионлик жанги 2026 йилда ўтказилиши мумкинлиги ҳақида хабарлар тарқалганди.
"Мен бу ҳақда эшитдим. Лекин тўғрисини айтсам, аниқ бир нарса дея олмайман. Жанг кейинги йилга кўчирилиши эҳтимоли катта, аммо биз ҳалигача режаларимиз устида ишлаяпмиз", дейди Корнилов.
Эслатиб ўтамиз, Бетербиев ва Бивол ўртасидаги реванш жанги 2025 йилнинг февраль ойида Ар-Риёдда (Саудия Арабистони) бўлиб ўтганди. Ушбу жангда Дмитрий очколар ҳисобига кўра ғалаба қозониб, мутлақ жаҳон чемпионига айланганди.
Ҳавола :
Манба : allboxing.ru
Фикрлар