Блогер Жейк Пол Камару Усманнинг мағлубиятини масхара қилди + ФОТО

Жейк ярим ўрта вазнда UFC'нинг амалдаги чемпиони Камару Усман билан бўлажак бокс тўқнашувини тарғиб қилишни давом эттирмоқда.

Бу сафар америкалик фотошопдан фойдаланиб, нигерияликнинг карьерасидаги ягона мағлубиятини эсга олди, Хосе Касерес Усманни профессионал фаолиятидаги иккинчи жангида бўғиш усулида мағлуб этганди.

"Салом, мен Жейк Полман ва сиз Disney каналини томоша қиляпсиз",-деб ёзди блогер Twitter`да.

2016-2017 йилларда Жейк Пол "Disney" телеканалида "Пейж ва Френки" сериалида суратга тушган ва ҳолат унинг блогларини камситувчилар томонидан доим эслаб турилади. Буни Камару Усман ҳам таъкидлаган, у Полни "Disney`дан келган бола" деб атаган.

Эслатиб ўтамиз, 24 апрель куни Камару Усман Хорхе Масвидални иккинчи раундда нокаутга учратиб камарини муваффақиятли ҳимоя қилди. Жейк Пол бундан бир ҳафта олдин Бен Аскрен билан бокс қоидаларига кўра жанг қилди.

Маълумотларга кўра, Усман ва Масвидалнинг реванш жангидан  700 минг пуллик трансляциялар сотилган. Пол ва Аскреннинг бокс учрашувидан эса 1,5 миллион PPV сотилган. Усманнинг менежери Али Абдел-Азизнинг айтишича, Аскреннинг Жейк Полга қарши жангини 4 миллиондан 5 миллионгача пуллик трансляцияларни сотишни таклиф қилган.