20 апр 10:56
Янгиликлар

Бокс/ММА

Блогер Жейк Пол Нейт Диасни нокаут қилишга ваъда берди

Видеоблогер Жейк Полнинг аралаш яккакураш оламидаги обрўси кун сайин ошиб бормоқда.

Инстаграм ҳамда YouTube юлдузи якшанба тонгида ярим ўрта вазн тоифасида собиқ ONE ва Bellator промоушенлари чемпиони Бен Аскренни бокс қоидалари асосида ўтказилган жангнинг биринчи раундидаёқ нокаутга учратган эди. Жейк Пол кейинги рақиби UFC жангчиси Нейт Диас бўлишини истамоқда. Блогер Диасни узоғи билан учинчи раундда нокаут қилишга ваъда берди.

"Нейт Диас учинчи раундда нокаут бўлади", - дея Твиттер саҳифасида хабар қолдирган Пол.

Маълумот учун, айни пайтда Нейт Диас Леон Эдвардсга қарши ўтказиладиган жангига тайёргарлик кўрмоқда. Пол - Аскрен жанги ярим миллион пуллик трансляция кўрсаткичи билан сотилгани Диасни ҳам қизиқтириши табиий. Нейт ушбу жангдан икки миллион доллар ишлаб олиши мумкин.