20 апр 13:01
Янгиликлар

Теннис

BMW Open. Руне чемпионлик ҳимоясини давом эттирмоқда

Дунёнинг 12-ракеткаси Хольгер Руне Германиянинг Мюнхен шаҳрида ўтказилаётган ATP турнирининг 1/2 финал иштирокчисига айланди.

Даниялик теннисчи BMW Open турнирининг амалдаги чемпиони ҳисобланади. У 1/4 финалда ATP рейтингида 223-поғонада бораётган швейцариялик Марк-Андреа Хуслерни қийинчилик билан мағлубиятга учратди - 6/4, 7/6(3).

Хуслер Руне учун ноқулай рақиб бўлиб, буни теннисчиларнинг ўзаро учрашувларидаги ҳисоб ҳам тасдиқлайди - 2:2. Бир соату 42 дақиқа давом этган баҳсда Руне 3, Хуслер 7 та эйс зарбасини амалга оширган.