BNL d'Italia. Энди Маррей деярли уч соатлик учрашув ўтказди

Дунёнинг 42-ракеткаси Энди Маррей кутилмаганда илк давра учрашувида ATP рейтингида 130-поғонада бораётган италиялик Фабио Фоньинига имкониятни бой бериб қўйди. Уччала сет ҳам бир хил ҳисобда якунланди - 4/6, 6/4, 4/6. 

Теннисчиларнинг ўзаро учрашувларида Фабио ҳисобда олдинга чиқди - 5:4. Олти дақиқаси кам уч соат давом этган баҳсда Маррей 3, Фоньини 7 та эйс зарбани амалга оширган. Мезбон теннисчи энди Internazionali BNL d'Italia турнирининг иккинчи даврасида сербиялик Миомир Кечмановичга қарши кортга чиқади.