Бобби Грин: "Махачевнинг жанглари ҳеч кимга қизиқ эмас — бу жуда зерикарли"

"У менга юқори баҳо бермади, аммо мен сизга унинг яхши рақиб эканлигини айтишим мумкин. Унинг ғалабали серияси шундан далолат беради ва агар биз бунга асосланадиган бўлсак, у шубҳасиз чемпионлик синовидан ўтган. Аммо, агар биз ММАни сотилиши керак бўлган маҳсулот деб оладиган бўлсак, сиз айнан нимани сотаётганингиз жуда муҳим, чунки танлов жамоатчиликка тегишли ва улар томошани танлайдилар.

Ислам яхши жанг қилади, аммо тўғрисини айтсам, унинг жанглари жуда зерикарли. Ҳатто, у рақибларини зерикарли тарзда мағлуб этади. Менинг жангларим эса ўйин-кулгидир. Эҳтимол, у чемпионлик синовидан ўтгандир, аммо зерикарли тарзда. Ҳеч ким буни кўришни хоҳламайди, бу ҳеч кимга қизиқ эмас. Мен унинг жангларида "О, эрта тугади" дея ухлаб қоламан. У ҳар доим жангларини эрта якунлаши мумкин, аммо бу унинг жангларини қизиқарли қилмайди, сабаби у каби спортчилар жангга эмас, ўйинга чиқади", — дея Гриннинг сўзларини келтиради ММА Junkie.

Эслатиб ўтамиз, Махачев-Грин жанги эртага Лас Вегасдаги UFC Fight Night 202 турнири доирасида бўлиб ўтади.