Бобуржон Бердиёров АҚШда Bill Farrell Сlassic 2024 чемпиони бўлди

Бердиёров бундан аввал ҳам АҚШ олий ўқув юртлари ўртасида ўтказилган мусобақаларда ғолиб ва совриндор бўлган эди. Bill Farrell Сlassic 2024 турнири нуфузли мусобақа ҳисобланиб, унда дунёнинг кўзга кўринган курашчилари иштирок этиб келмоқда.  

Маълумот учун, Бобуржон Бердиёров 2000 йилда туғилган. Олти ёшидан эркин кураш спорт тури билан шуғулланиб келади. Биринчи мураббийи Ғани Носирович. Ҳозирги Республика Олимпия ва паралимпия спорт турларига тайёрлаш маркази (собиқ Република олимпия захиралари коллежи)да таҳсил олган. Мураббийи - Рустам Муталов. Беш йилдирки, АҚШда истиқомат қилиб, у ердаги мусобақаларда иштирок этиб келяпти. Northwest College коллежида ўқиган. Олий ўқув юртлари, шунингдек, бошқа нуфузли мусобақаларда мунтазам иштирок этиб, ғолиб ва совриндорлар сафидан жой олиб келмоқда.     

Bill Farrell Сlassic 2024 турнирида чемпион бўлиш орқали NCAA чемпионатига йўлланмани қўлга киритди. У ушбу мусобақаларнинг ёшлар ўртасидаги уч карра чемпиони ҳисобланади.