Богдан Гусков октагонга қачон қайтишини маълум қилди

Бу ҳақда у "Матч ТВ" телеканалига берган интервьюсида маълум қилди ва июль ёки август ойларида октагонга қайтишини очиқлади. 

"Блахович билан жангнинг бекор қилинишига жуда оғриқли муносабатда бўлдим, чунки январь ойидан бери тайёргарлик кўраётгандим, яхши формада эдим, хатолар устида аъло даражада ишладим. Шундай бўлиб қолди... муносиб ўринбосар топилмади, — деди Гусков. — Жамоамнинг фикрича, биз камар учун ҳаракат қилишимиз керак, шунинг учун бизга рейтингда юқорироқ бўлган рақиб керак. Менга эса бундай вариантни таклиф қилишмади, гарчи бу тушунарли бўлса-да - вақт жуда кам эди. Ҳозир бироз дам олдим, энди қайтадан тайёрланаман. Кейинги жангни ё Абу-Дабидаги июлдаги турнирга ёки Белграддаги августдаги турнирга ўтказишни сўрадим. Рақибим ким бўлиши ҳақида тасаввурга эга эмасман. Аммо рейтинги юқорироқ рақиб бўлишини ваъда қилишди. Бу мени қониқтиради".

Эслатиб ўтамиз, ўтган йилнинг декабрь ойида Богдан собиқ UFC чемпиони Ян Блахович билан жангда дуранг натижа қайд этганди. 9 май куни улар реванш жангида тўқнаш келишлари керак эди, бироқ Блахович тиззасидан олган жароҳати туфайли жангни тарк этди.

"Аслида мен бу вазиятни қўйиб юбордим, — деди Гусков Блахович билан жангнинг барбод бўлишига изоҳ берар экан. — Лекин менга таклиф қилишса... у рейтингда юқорироқ туради, шунинг учун бу жанг мен учун қизиқарли бўлади. Агар у билан жанг қил десалар, албатта, рози бўламан", - деди Богдан.