Бокс. Бир неча кундан кейин Жамшид жаҳон чемпионига қарши жанг қилади

Мазкур жанг кечасида ҳамюртимиз 63.5 кг вазн тоифасида фаолият олиб бораётган Жамшид Нажмиддинов WBC йўналишининг собиқ чемпиони мезбонлар вакили Виктор Постольга қарши ринга кўтарилади. Ушбу кунга қадар “Темурланг” промоутерлик клуби шаъфелигида жангларда иштирок этаётган ҳамюртимиз Жамшид Нажмиддинов профессионал боксда 14 маротаба жанг ўтказган ва барчасида зафар қучган, 9 тасида рақибларини нокаутга учратган. Қолаверса,63.5 кг вазн тоифасида AFCA камарининг амалдаги сохиби саналади. “Темурланг” промоутерлик клуби рахбари Хусрав Насруллаев гарчи, рақиб жуда кучли эканлиги ва мезбонлик фактори ҳам борлигига қарамай, ҳамюртимиз жобий натижани қайд эта олишига умид билдирмоқда.  Эслатиб ўтамиз: Жамшид Нажмиддинов  1991 йил 31 мартда Андижон вилояти Пахтаобод туманида таваллуд топган.

Шу ўринда унинг рақиби Виктор Постоль ҳақида ҳам тўхталиб ўтишни лозим топдик. Украиналик боксчи бокс оламида жуда машҳур бўлиб, 2015-2016 йиллар мобайнида WBC йўналишида чемпионлик титулини химоя қилиб келган 2016 йил 23-июлда Тренси Кроуфорд билан бўлган жангда мағлубиятга учраб чемпионлик камаридан махрум бўлган эди. Ушбу мағлубият фаолиятидаги ягонасидир.