02 апр 16:12
Янгиликлар

Бокс/ММА

Бокс бўйича МОҚ соврини учун мусобақа старт олди

Бугун, 2 апрель куни Республика Олимпия захиралари коллежида бокс бўйича Миллий олимпия қўмитаси соврини учун мусобақа бошланди.

Терма жамоадаги рақобатни кучайтириш, янги номларни кашф этиш мақсадида ўтказилаётган турнирда мамлакатимизнинг турли ҳудудларидан ташриф буюрган 66 нафар спортчи иштирок этади. Беллашувлар 10та вазн тоифасида ўтказилади.

Бугун мусобақанинг очилиш маросими бўлиб ўтди. Чемпионатда Ўзбекистон бокс терма жамоасининг учинчи ҳамда тўртинчи рақамли аъзолари сараланади.

Миллий олимпия қўмитаси турнир иштирокчиларига омад тилаб қолади.