Бокс. Минскдаги турнирнинг илк кунида 4 та ғалаба ва 2 та мағлубият

Мусобақада Ўзбекистон ёшлар терма жамоаси вакиллари ҳам иштирок этишлари ҳақида аввалроқ хабар қилгандик.

Кеча мусобақа доирасида 6 нафар боксчимиз жанг қилди. 

Унга кўра, 4 нафар боксчимиз ғалаба қозонган бўлса, 2 боксчимиз имкониятни бой бериб қўйди. 

-75 кг вазнли боксчимиз Логин Петров мезбон Игорь Заяцни биринчи раунддаёқ нокаутга учратиб, кейинги босқичга йўл олди!

Яна бир -75 кг вазнли ҳамюртимиз Нурислом Исмоилов Беларусда ўтказилаётган мусобақада мезбон Андрей Пуховични 5:0 ҳисобида мағлубиятга учратиб, кейинги босқич йўлланмасини қўлга киритди. 

Мирзабек Мирзаҳалилов (-56 кг) рақибининг жароҳати сабаб жангсиз келаси босқичга йўл олди.

Сирожиддин Хожакметов (-69 кг) беларуслик Дмитрий Поляковни 5:0 ҳисобида мағлуб этди.

Амиршоҳ Самадов (-91 кг) россиялик Рамазан Ханапиевга 1:4 ҳисобида имкониятни бой бериб қўйди. 

Жаҳонгир Зокиров (+91 кг) эса россиялик Иван Онисченкога 2:3 ҳисобида мағлуб бўлди. 

Эслатиб ўтамиз, аввалроқ Логин Петров ва Нурислом Исмоилов каби боксчиларимиз ғалаба қозониб, кейинги босқич масаласини ҳал қилишганди.