Болт: "100 метрлик стартдан сўнг мени Муҳаммад Алига ўхшатишганди"

У жаҳон чемпионатида 100 метрлик баҳсларда фақатгина бронза медалини қўлга кирита олди. 4х100 эстафетани эса жароҳати сабабли охиригача етказа олмади.

"Фикримча, ушбу чемпионат мен амалга оширган ишларни ўзгартира олмайди. 100 метрда бронза медалини қўлга киритганимдан сўнг кимдир менга айтганди: "Ҳафа бўлма Усэйн. Муҳаммад Али ҳам сўнгги жангида мағлубиятга учраганди". Мен йиллар давомида кучимни кўрсатдим. Сўнгги югуришимда ғалаба қозона олмаганим ниманидир ўзгартириб қўймайди", - дейди Болт.