Боёвутда рекордларга бой баҳодирлар ўйини ва тош кўтариш мусобақаси ўтказилди

Мусобоқада вилоятлардан жами 300 нафар спортчи иштирок этди. Баҳслар қизғин кечди. Сурхондарёлик полвон Дилмурод Қурбонов умумий ҳисобда 64 очко тўплаб Ўзбекистон рекордини ўрнатди ва 1-ўринни, Тошкент шаҳрилик полвон Авазбек Ҳайдаров 2-ўринни, Андижон вилоятидан иштирок этган Отабек Асқаров ва фарғоналик Бекзод Худойқулов 3-ўринларни эгаллади.

Ёш полвонлар ўртасида ўтказилган баҳсларда ҳам ғолиблар аниқланди. Унда Тошкент шаҳри шарафини ҳимоя қилган Нуриддин Эргашев 56 очко тўплаб, Ўзбекистон рекордини ўрнатди ва 1-ўринни, андижонлик Шодилбек Эргашев 2-ўринни, сирдарёлик Жавоҳир Қурбонов ва бухоролик Сирож Қиличев 3-ўринни қўлга киритди.

Мусобақанинг иккинчи куни тош кўтариш бўйича спортчилар низомда белгиланган вазнлар бўйича ёшлар, ўсмирлар катталар, фаҳрийлар ва имконияти чекланган спортчилар баҳслашди. Умумжамоа ҳисобида 1-ўринни Сирдарё вилояти спортчилари, 2-ўринни Андижон вилояти спортчилари, 3-ўринни эса Тошкент вилояти спортчилари эгаллади.

Мусобақа ғолиб ва совриндорлари рағбатлантирилди.