17 авг 13:59
Янгиликлар

Теннис

Брэди - Top Seed Open чемпиони!

АҚШнинг Лексингтон шаҳрида ўтказилган Top Seed Open турнири бош соврини мезбонларда қоладиган бўлди.

Ҳал қилувчи финал учрашувида сайёрамизнинг 49-ракеткаси, америкалик Женнифер Брэди рейтингда ўзидан 14 поғона пастда турган швейцариялик Жиль Тайкманнни мағлубиятга учратди - 6/3, 6/4. Учрашув 102 дақиқа давом этган.

Женнифер баҳс давомида 4 та, Жиль эса 1 та эйс зарбани амалга оширди. Ўзаро учрашувларда Брэди 2:1 ҳисобида олдинга ўтиб олди. Лексингтондаги муваффақиятли иштирок Брэдига 25,000 доллар мукофот пули ҳамда 280 рейтинг очкосини тақдим этди. Тайкманн эса 14,000 доллар ва 180 очко ишлаб олди.