Британиялик собиқ чемпион: "Усик - оғир вазннинг энг истеъдодли боксчиси!"

2022 йилнинг баҳорида йигитлар реванш жанги ўтказишади. Гроувз эса ўз ватандошига унчалик ишонмайди:

“Назарий жиҳатдан у қандайдир ўзгаришлар киритиб, биринчи жангдагига қараганда кучлироқ ва яхши тайёргарлик кўриши мумкин. Лекин ҳар қандай ҳолатда ҳам Усикни мағлуб этиш жуда қийин бўлади. Бундан ташқари, Усикнинг сентябрь ойидаги жангидан яхшироқ ҳаракат қилишига ҳеч нарса халақит бермайди. Александр дивизиондаги энг иқтидорли жангчи. Эътибор беринг, у рақибларидан икки баравар соғлом ва оғирроқ бўлгани учун эмас, балки ажойиб маҳорати туфайли ғалаба қозонади".

Гроувз Жошуани тўлиқ ҳисобдан чиқармайди: 

"Менимча, у дивизион етакчиларидан бири бўлиб қолаверади. У кучли учталикда қолмоқда. Ишонаманки, Энтони Деонтей Уайлдерни ва бошқа барча кучлиларни мағлуб этади. Аммо, савол шундаки, унинг боксга бўлган эски иштиёқи ҳали ҳам сақланиб қолганми? Биласизми, унинг ҳозирги ҳолатида 1-ўринга қайтиши жуда қийин бўлади. Аммо, ҳеч қачон ҳеч қачон дема! Айниқса, оғир вазн тоифасида, ҳақиқатан ҳам ҳамма нарсани битта зарба билан ҳал қилиши мумкин", - деди Жорж Гроувз.