"Бу йигит оғриқ нималигини ҳис қилмайди". Густафссон Хамзат Чимаев ҳақида гапирди

"Хамзат нафақат кучли жангчи, балки унда нокаут қилиш ва бўғиб қўйишга етадиган қобилиятлар бор. Ҳеч ким Хамзатдек машқ қилмайди. Мен дунёни айланиб чиқиб, жуда кўп жангчиларни кўрганман. Бу йигит оғриқ нималигини ҳис қилмайди, чарчамайди. Хамзат яримўрта вазн жангчилари учун жуда катталик қилади. У билан спарринг ўтказмоқчи бўлганлар доим тайёр туришлари керак, сабаби у битта ҳам раундни ютқазишни хоҳламайди", -дейди Александр Густафссон.

Эслатиб ўтамиз, Хамзат сўнгги жангида Ли Цзиньлянга қарши октагонга кўтарилиб, рақибини бўғиб қўйганди.