Бугун Анталия "Катта Дубулға" турнирида 6 нафар дзюдочимизга мухлислик қиламиз

Мукофот жамғармаси 154 000 еврони ташкил этувчи ушбу нуфузли мусобақада Ўзбекистон терма жамоаси ҳам катта таркибда медаллар ҳамда Париж-2024 Олимпиадаси йўлидаги қимматли рейтинг очколари учун баҳс олиб боряпти. Кеча -73 кг вазндаги дзюдочимиз Шаҳрам Аҳадов терма жамоамизга ҳозирча ягона бўлиб турган бронза медалини тақдим этди. 

Бугун оғир вазн тоифасидаги беллашувларда 6 нафар вакилимиз баҳсларга киришади. Улар орасида Токио Олимпиадасининг бронза медали совриндори, жаҳон чемпиони Давлат Бобонов ҳам бор. У мусобақадаги иштирокини иккинчи даврадан бошлайди. Бобоновга Австрия ёки Корея Республикаси дзюдочиси рақиблик қилади.   

Бугун татамига чиқадиган дзюдочиларимиз:

-78 кг: Ирисхон Қурбонбоева - Антонина Шмелева (Нейтрал спортчи).

+78 кг: Рината Илматова - Мадина Парагулгова (Қозоғистон).

-90 кг: Давлат Бобонов - Сунгхо Ли (Корея Республикаси)/Томас Шарфеттер (Австрия) 

-100 кг: Рустам Шораҳматов - Исак Беззина (Мальта).

-100 кг: Эрназар Сарсенбаев - Франсиско Баланта (Колумбия)

+100 кг: Шоҳруҳхон Бахтиёров - Мовли Борчашвилли (Австрия).