20 май 10:59
Янгиликлар

Теннис

Бугун Файзиев ва Фомин Иерусалимдаги турнирда кортга чиқади

Бугун Исроилнинг Иерусалим шаҳрида теннис бўйича "Челленжер" туркумига кирувчи турнирнинг асосий тўр баҳслари бошланади.

Соврин жамғармаси 54 160 АҚШ долларини ташкил қилувчи ушбу мусобақада икки ҳамюртимиз - Санжар Файзиев ва Сергей Фомин ҳам ўз имкониятини синовдан ўтказади. Ҳар икки теннисчимиз ҳам бугун яккаликнинг илк давра учрашувида кортга чиқишади.

Қуръа натижасига кўра Файзиев асосий тўрнинг илк босқичида финляндиялик Эмил Руусувуорига, Фомин эса Буюк Британия вакили, тажрибали Брайдан Кляйнга қарши баҳс олиб боради.

Таққослаш учун, Санжар ATP рейтингида 433, Эмил 395, Сергей 628, Брайдан эса 361-ўринни эгаллаб турибди. Фомин иштирокидаги баҳс Тошкент вақти билан соат 15:00, Файзиевнинг учрашуви эса соат 17:00да бошланиши режалаштирилган.