13 фев 09:27
Янгиликлар

Теннис

Бугун Ҳумоюн ва Сергей Актобеда кортга чиқади

Қозоғистоннинг Актобе шаҳрида теннис бўйича эркаклар ўртасида мукофот жамғармаси 25 000 АҚШ долларини ташкил этувчи турнир давом этмоқда.

Ушбу мусобақада ўзбекистонлик теннисчилар ҳам иштирок этишмоқда. Бугун турнирнинг яккалик баҳслари доирасида икки теннисчимиз илк давра учрашувида кортга чиқади. Турнирнинг иккинчи ракеткаси бўлган Ҳумоюн Султонов россиялик Антон Чехов билан тўқнаш келади.

Сергей Фомин эса турнирда еттинчи рақам остида таснифланган россиялик теннисчи Константин Кравчукка қарши баҳс олиб боради. Кеча учинчи вакилимиз Санжар Файзиев қозоғистонлик Григорий Ломакиндан 6:4, 6:4 ҳисобида устун келганди.