08 май 06:54
Янгиликлар

Теннис

Бугун Истомин Франциядаги иштирокини бошлайди

Франциянинг Экс-ан-Прованс шаҳрида "Челленжер" туркумига кирувчи турнир давом этмоқда.

Хабар берганимиздек, ушбу мусобақада ҳамюртимиз Денис Истомин ҳам иштирок этади. Мамлакатимизнинг биринчи ракеткаси турнирда тўртинчи рақам остида сараланган бўлиб, ўз иштирокини тўғридан-тўғри иккинчи даврадан бошлайди.

Бугун Тошкент вақти билан соат 13:30да Денис германиялик Бенжамин Хассанга қарши учрашув билан турнирдаги иштирокини бошлайди. Ҳассан кеча илк даврада испаниялик Даниэль Химено-Траверни 6:3, 6:3 ҳисобида мағлуб этди.

Маълумот учун, Ҳассан айни пайтда жаҳон рейтингида 370-ўринни эгаллаб турибди. Истомин эса 103-поғонадан жой олган. Теннисчилар шу кунгача ўзаро учрашув ўтказишмаган.