25 июн 08:24
Янгиликлар

Теннис

Бугун Истомин Истбурндаги иштирокини бошлайди

Бугун мамлакатимизнинг биринчи ракеткаси Денис Истомин Истбурн шаҳрида асосий тўр баҳслари старт оладиган турнирда кортга чиқади.

Ҳамюртимиз илк даврада италиялик тажрибали теннисчи Андреас Сеппи билан тўқнаш келади. Бу учрашувнинг бизнинг вақт билан соат 15:00да бошланиши белгилаб қўйилган.

Шу кунгача теннисчилар ўзаро оз эмас, кўп эмас, 10 маротаба тўқнаш келишган. Учрашувларнинг 3тасида Денис ғалаба қозонган бўлса, қолган 7та ўйинда Сеппининг қўли баланд келган.

Таққослаш учун, теннисчимиз айни пайтда дунё рейтингида 95, Сеппи эса 50-ўринни эгаллаб турибди. Денис ғалабаларининг иккитасини айнан майса кортлардаги турнирларда қўлга киритган.